NGARONDA BARI NGAROKO

Hiji peuting uing ngaronda nyorangan. Basa keur nguriling lembur, di handapeun dapuran awi, uing dipegat jurig euweuh sirahan. “Nambut mastaka-lah sakedap, tos ateul hoyong gagaro,” ceuk éta jurig. “His, gagabah nyarita téh. Jaman ayeuna mah henteu aya anu haratis!”
Sanggeus dibayar mah, polonyon wé sirah téh dicoplokeun, terus dibikeun. Uing mah ngaronda deui wé. Bosen nguriling, balik deui ka garduh. Bari ngararasakeun angin ngahiliwir ngeunahna bari ngaroko. Dji sam soe dikodok, korék dikaluarkeun. Barang rék pelenyun, uing reuwas. “Kaduhung sirah uing digadékeun!”

Tapi terusna mah seuri: “Untung uteuk uing geus ditunda dina tuur.... “

Subscribe to receive free email updates:

0 Response to "NGARONDA BARI NGAROKO"

Posting Komentar